البحث

Jan 08, 2013 Nehal yehya  rated it  4 of 5 stars كتاب رائع بصراحه و انا استمتعت بقرائته ...

سيد القمني - الأسطورة والتراث.pdf




Nehal yehya
كتاب رائع بصراحه و انا استمتعت بقرائته جدا و يمكن من ارزن كتب سيد القمني بصراحه لان في كتاب الفاشيون و الوطن و اهل الدين و الديموقراطيه برغم جمال الكتابين فعلا و زخرهم بالمعلومات و ارائه الشخصيه اللي عاوز تاخد بيها خد مش عاوز براحتك كان عنيف في عرضه للمعلومات وواضح غضبه في الكتابه من الشيوخ و الاتهامات والهجوم عليه بضراوه .. مع اختلاف الموضوع المتناول في كتاب الاسطوره و التراث و اللي بيتكلم فيه اختلاط الاساطير و تفسير الظواهر الطبيعيه كالرعد و المطر و الرياح و النار و جهل الناس قديما بقوي خارقه جعلتهم يتوهمون الهه و تشابهه قصص و اساطير كتير في الديانات الثلات اليهوديه و المسيحيه و الاسلاميه بحضاره بابل في العراق و كما هو معروف ان العراق كانت زاخره بالالهه و الاساطير و هو يقول بصوره ما ان اختلاط الاساطير ببعضها دخل كل حاجه في بعض .. خصوصا ان زمان معروف ان الكتابه العربيه كانت بتتكتب من غير نقط فا كل في اختلاف في القاب اسامي الاساطير و تحولات لغويه كتيره ادت الي تشابه عادات معينه في الديانات و ربطها بالطبيعه .. خصوصا الالهه الكثيره المتعلقه بالقمر و الكواكب و النجوم و اعتبارهم الهه في السماء ادي اي نشوء اساطير و خرافات كثيره بطريقه ما اصبحت محشوره في الديانات .. الموضوع يطول شرحه بالطبع .. و للاسف لو مصادره فعلا صحيحه و انا مش شايفه ان في فايده حتعود عليه انه يقول مصادر خاطئه عشان يثبت حاجه طول عمر سيد القمني منبوذ و قرائه ليس بكثيرين .. ما علينا .. ان لو تم اعتماد الكلام في كتابه ده فا حيهد بالنسبه لاي شخص في اي ديانه حاجات كتير قوي .. عموما نشكره علي ابحاثه في الكتاب ده لانه فعلا جايب من مصادر كتير معلوماته و ما اعتقدش انه ألف فيها لاني قريت منها طشاش في كتاب اخرين زي علي الوردي و علي شريعتي و فرج فوده .. الا انه كان بيقول حاجات تفصيليه و مش ضايف اراء شخصيه كتير الا قليل في الكتاب ده .. انا استمتعت جدا بقرائته و بعتبر اني خلصته في وقت قياسي لانه تباً لقرائه البي دي اف بالطبع .. لك ان تأخذ بالمعلومات اللي فيه او ترميها ورا ضهرك بس اعتقد في كلا الحالتين حتستمع حتي بمعرفه اساطير كثيره مرت كتير لحد ما وصلتنا